febrièr 15, 2025

CU SIAM?

L’Assemblada Occitana País Niçard es la brancha locala de l’Assemblada Occitana dins lo País Niçard. Milita per restablir la lenga occitana, la cultura occitana e la consciéncia nacionala occitana dins lo País Niçard.

L’Assemblada Occitana es un grop de trabalh e d’accion, independent de quau que siá partit politic, e qu’a per objectiu de conscientizar la societat occitana e rassemblar toti las fòrças civili occitani per fin de complir li finalitats seguenti:

  • La reconeissença de la nacion occitana, dins la sieu pluralitat lingüistica e culturala, e la presa de consciéncia dau pòble occitan d’i apertenir,
  • L’aveniment d’una economia occitana sobeirana, dinamica, ecologica e sociala,
  • Crear li condicions politiqui e sociali necessàrii per establir e constituir una vertadiera entitat territoriala occitana pròpria, que siá plurala, federativa e democratica,
  • Obtenir de condicions equitabli per promòure e desvolopar un usatge normal de la lenga occitana dins toi lu domenis de la vida,
  • Restaurar la dignitat nacionala dau pòble occitan. L’independéncia d’Occitània es un mejan necessari per restaurar aquela dignitat (en passant per una autodeterminacion democratica),
  • Defendre li personas (fisiqui e morali) que subisson de discriminacions, de tractaments inequitables, de vexacions, d’injúrias, de difamacions ò de violéncias a causa de la sieu cultura occitana, dau sieu usatge de la lenga occitana, dau sieu accent occitan ò de la sieu origina occitana; e se constituir partida civila per defendre aqueli personas.